الـحـلـقـة الـثامنه والـثـلاثـون من كراسى الآعتراف مـع ولد البيضاء

السلام عليكم ورحمة الله وبركاتة

الآخ والصديق ولد البيضاء

كل عام وأنت بالف خير

اتمنى لك جلوس مريح

بس ولله ما ضني اسال لمجرب

توا انا ما نبيش نسال

بس سعا انردو نسالو مرة اخري

سلام

انا واعوذ بالله من كلمه انا عمري ما سألت حد على كرسي الاعتراف لاني مشكلتي مش

قصقاصه بس ركبني فضول نعرف اجابه واضحه لرأيك في السؤال الاول...

1.مـــاهي مواصفات الاستاذ الجامعي النموذجي؟؟؟

وبما اني سالتك بالمره خوذ هالسؤالين........

2.كيف تدرس في قاريونس ومصر واي جامعه في مصر؟؟؟

3.ما وجه الشبه بينك وبين احمد عز ؟؟؟ هل الشخصيه و Face او

الطبع والاسلوب؟؟؟

اكيــــــــــــــــــــد نلتقي لنرتقـــــــــــــي

لقد عدنا بس اعيرنا اهتمامك وعطينا اجابه
ماذا تفعل؟؟؟؟

لو كنت ؟؟

تحب شخص وهو لا يحبك !!!

تهتم به وهو لا يهتم بك

تفكر فيه وهو لا يهتم

تطمئن عليه وهو لا يبالي

حزين وهو سعيد

ماذا ستفعل؟؟!!!!
تحياااااااااااااااااااااااااااااااااتي

زهرة البنفسج كتب:: السلام عليكم ورحمة الله وبركاتة

وعليكم السلام ورحمة الله وبركاته

الآخ والصديق ولد البيضاء

كل عام وأنت بالف خير

وانتي واسرتك الكريمه بالف خير

اتمنى لك جلوس مريح

بس ولله ما ضني اسال لمجرب

تسلمي اصلا هنا وين قمعزت البركه في wadak2010

توا انا ما نبيش نسال

بس سعا انردو نسالو مرة اخري

خوذي راحتك وبنتظارك

سلام

سلام

نلتقي لنرتقي

ساجده لله كتب:: انا واعوذ بالله من كلمه انا عمري ما سألت حد على كرسي الاعتراف

ليش موش مقتنعه بيه قصدك ؟؟؟ على هك نا محظوظ لانك تبي تسأليني

لاني مشكلتي مش قصقاصه

بصراحه مافيش حد موش قصقاص بس الاختلاف في درجة القصقصه

بس ركبني فضول

الفضول هذا هو القصقصه هههههههه

نعرف اجابه واضحه لرأيك في السؤال الاول...

1.مـــاهي مواصفات الاستاذ الجامعي النموذجي؟؟؟

موش حاب انقولك شعارات و و و على مواصفات الاستاذ الجامعي النموذجي

بس اهمها من وجهة نظري انه ايكون متمكن من المواد الي يعطي فيهن

ويكون صاحب شخصيه خاصة في ايامنا هذين

وبما اني سالتك بالمره خوذ هالسؤالين........

بدينا في القصقصه بالرسمي ههههههههههه بس ادللي

2.كيف تدرس في قاريونس ومصر واي جامعه في مصر؟؟؟

بما اني معيد فـ وصلت دراستي في قاريونس وكملت الدبلوم ( اي المواد )

وتوا نبي نبدا في المقترح السمستر هذا ... وبعد جاني قرار ايفاد للخارج

في البدايه كنت مختار استراليا بس بعدها اقتنعت اني ونا في مصر

ممكن انكمل بالمره في قاريونس وهك انحصل على 2 ماستر

بالنسبه لدراستي في اي جامعه مازلت ما قررت

3.ما وجه الشبه بينك وبين احمد عز ؟؟؟ هل الشخصيه و Face او

الطبع والاسلوب؟؟؟

انخاف انقول الفيس اتقولو هذا مغرور ههههههههههه

عشان هك خلينا في الشخصيه والاسلوب احسن

بس احمد عز من افضل الممثلين عندي عشان هك اخترته

اكيــــــــــــــــــــد نلتقي لنرتقـــــــــــــي

انشاء الله

الناري كتب:: لقد عدنا

good Back

بس اعيرنا اهتمامك وعطينا اجابه

هذا كله وموش مهتم بيكم !!!

ماذا تفعل؟؟؟؟

لو كنت ؟؟

تحب شخص وهو لا يحبك !!!

تهتم به وهو لا يهتم بك

تفكر فيه وهو لا يهتم

تطمئن عليه وهو لا يبالي

حزين وهو سعيد

ماذا ستفعل؟؟!!!!

بصدق عمري ما فكرت في هذي لانها عمرها ما صارت امعاي

والواحد منا ما يعرفش ردت فعله الا بعد الحاجه اتسيرله

بس خوذ هذين عندك ....

كلّما ازداد حبنا تضاعف خوفنا من الإساءة إلى من نحب ...

إذا شكا لك شاب من قسوة امرأة ، فاعلم أن قلبه بين يديها ...

ربما كان من الخير أن تحب بعقل وروية،

ولكن من الممتع حقا أن تحب بجنون ...

تمهل في اختيار الحبيب ولا تتعجل في التخلي عنه ...

عذاب أن تحب وعذاب ألا تحب، ولكن أعظم عذاب هو أن تحب بلا أمل ...

المرأة هي التي تختار الرجل الذي سيختارها ...

العاشق الذي ينوح ويبكي يضجر المرأة، وينفرها من الحب،

فإذا شئت أن تتقرب إلى امرأة تحبها، فحاول ما استطعت أن تضحكها،

لأن قلب المرأة كالطفل المولع بالمرح واللهو ...

الذي يحبك بقسوة إنما يكرهك برفق ...

في الحب ننسى كرامتنا ، وفي الغيرة ننسى الحب ...

تحياااااااااااااااااااااااااااااااااتي

تحياتي لك

نلتقي لنرتقي

السلام عليكم
كيف الاجواء مع الكرسي هل جلست او مزال
في طبيعتك هل انت شخص غامض ؟
وكيف تعاملك مع الطالبات هل شخص تصرفاتك عادية ام انك شايف روحك شوي ؟
كيف اجواء الجامعة بالنسبة لك هل مرتاح او انك تحس ان الشغل بيها ممل؟

تقبل مروري

همس كتب:: السلام عليكم

وعليكم السلام ورحمة الله وبركاته

كيف الاجواء مع الكرسي

لعند توا ماشي حاله

هل جلست او مزال
واخيرا جلست البركه في wadak2010 الا فارس ورجاله فاتوني

في طبيعتك هل انت شخص غامض ؟

امعا اصدقائي لا لان الي اهناك يعرفوها عني

بس امعا الغير نا غير ما نحبش نحكي اي حاجه لأي حد

ومنها اكيد الي ما يعرفني ايقول عني غامض

وكيف تعاملك مع الطالبات هل شخص تصرفاتك عادية ام انك شايف روحك شوي ؟

بصراحه شايف روحي واجد بكل

كيف اجواء الجامعة بالنسبة لك هل مرتاح او انك تحس ان الشغل بيها ممل؟

عن نفسي مرتاح وواجد بكل اصلا من عادتي المكان الي ما انتريحش فيه

ما نقعدش فيه يعني اندور في راحة نفسي

تقبل مروري

أرجوك لاتكتب تقبل مروري

لانك قبل تكتب مرورك تقبلت

السلام عليكم ياولد البيضاء

اول شي احنا زملاء في العمل واحسن شي درتي انك ما اخترت استراليا لان البعد شين اسال

مجرب ولانه مرات ماتلقاش تخصص الاقتصاد وننصحك بجامعة عين شمس في مصر فهي جامعة

كويسة واذ كنت ماتبي يعطوك مواد قولي لاني نعرف كلية في عين شمس بحث فقط وربي يوفقك

وعلي فكرة بنت العز خريجة اقتصاد علوم مالية ومصرفية وهي تمني انها تحضر بس لان في

البيضاء ما فتحوش دراسات فما قدرت . وسؤالي كم درجة تعطيها لجامعة قاريونس من حيث

النظام والدراسة وامكانياتها

وتمنياتي لك بالتوفيق

لجين كتب:: السلام عليكم ياولد البيضاء

وعليكم السلام ورحمة الله وبركاته

اول شي احنا زملاء في العمل

اهلين بيك ... بس زملاء نفس التخصص او قصدك نفس الوظيفه ؟؟؟

واحسن شي درتي انك ما اخترت استراليا لان البعد شين اسال

مجرب ولانه مرات ماتلقاش تخصص الاقتصاد

قدر الله وما شاء فعل

... في الاول كنت امقرر استراليا وعندي اساتذه ايحضرو غادي

سوا في الماستر او الدكتوراه بس الي خلتني انغير رايي اقرايتي

في قاريونس ما حبيتش اني انضيع الدبلوم عشان هك اخترت مصر

عشان انعادل بالدبلوم وانخش ع رساله طول وهذا الي صار

وننصحك بجامعة عين شمس في مصر فهي جامعة كويسةواذ كنت ماتبي

يعطوك مواد قولي لاني نعرف كلية في عين شمس بحث فقط وربي يوفقك

اكيد نا غيرت ع مصر عشان نستفيد من الدبلوم الي عندي

وانخش ع رساله طول كنت امقرر الاسكندريه او المنوفيه

بس كان عندك راي ثاني منك نستفيد

وعلي فكرة بنت العز خريجة اقتصاد علوم مالية ومصرفية

صار اطلعت بنتنا اكيد مشرف عليها هههههههه

امغير راهي تطلع من دفعتي

وهي تمني انها تحضر بس لان في البيضاء ما فتحوش دراسات فما قدرت

اقتصاد البيضاء ينقصه وااااااااااجد عشان يقدرو يفتحو ع دراسات العليا

وسؤالي كم درجة تعطيها لجامعة قاريونس من حيث النظام والدراسة وامكانياتها

من وجهت نظري 9 من 10

وتمنياتي لك بالتوفيق

تسلمي ولكي هذه الهديه

السلام عليكم ورحمة الله وبركاته

خير ياولدنا اولا وقبل كل شى انحب نشكرك على باقه الورد وهذا كله من ذوقك

وسامحنى لانى حاولت انجيبلك كرسى بس الصور ما طلعوى معى

بس نبى نفهم حاجه واحدة بس امحيرتنى انت عمرك 28 خريج اقتصاد وتنجح بامتياز وانا متخرجه

قبلك واصغر منك سؤالى هل نجحت فى الشهادة الثانويه من اول سنه ؟؟

سؤالى الثانى امتى يفتحوا دارسات فى اقتصاد البيضاء ؟؟انا سالتك السؤال هذا لانك عضو هيئة تدريس صح واكيد عندك معلومات لانى بصراحه طموحى انى انكمل للمجاستير

سؤالى الثالث هل تعرف الدكتور سيد تبع مادة المحاسبه الماليه والدكتور اميسر والدكتورة كمياليا

ولا انسى الدكتور على فارس وزوجته الدكتورة ثناء تبع مادة الادارة العامه ومادة تحليل القوائم الماليه واستاذ محمد الصفرانى والاستاذ عبد الواحد سعيد وشن رايك فى تدريس كل واحد فيهم طبعا اذا درسوا عليك ؟؟؟

سؤالى الاخير تحضير الماجستير ساهل ام صعب تدرس فيه مواد او بحث على طول بالانجليزى او انجليزى وعربى ؟؟؟

اكيد اتقول ياريتنى ما قلت انحضر فى الاقتصاد عشان سكنتلك

بس حتى ولو ما جاوبت عادى حنعذرك لانى كثرت عليك

ملاحظه وين الصور اللى ترافق فيك مع كل تعليق او موضوع بصراحه انت متميز فيهن فياريت

اتواصل بهذا التمييز ومن الان فصاعدا انا مع برشلونه بس مع رونالدوا lol!

بنت العز كتب:: السلام عليكم ورحمة الله وبركاته

وعليكم السلام ورحمة الله وبركاته

خير ياولدنا

اهلين ومرحبتين

اولا وقبل كل شى انحب نشكرك على باقه الورد وهذا كله من ذوقك

العفو انتي تستاهلي اكثر من هك

وسامحنى لانى حاولت انجيبلك كرسى بس الصور ما طلعوى معى

بالتأكيد امسامحك دنيا واخرى

بس نبى نفهم حاجه واحدة بس امحيرتنى انت عمرك 28 خريج اقتصاد وتنجح بامتياز وانا متخرجه

قبلك واصغر منك سؤالى هل نجحت فى الشهادة الثانويه من اول سنه ؟؟

نا قاري متأخر وعايد ثالثه ثانوي ظلم

بس كيف عرفتي انك متخرجه قبلي ؟؟

نا خريج ثاني دفعه في الكليه 2004/ 2005

معناها انتي من اول دفعه قصدك ؟

سؤالى الثانى امتى يفتحوا دارسات فى اقتصاد البيضاء ؟؟

ايطول رجاك كان ترجي في البيضاء

انا سالتك السؤال هذا لانك عضو هيئة تدريس صح

بأعتباري معيد أكيد فيك اتقولي عضو هيئة تدريس

واكيد عندك معلومات لانى بصراحه طموحى انى انكمل للمجاستير

كان حابه اتواصلي فـ عليك بالاكاديميه في بنغازي لان تخصصك ما فيش

في قاريونس والي شايفه مستحيل يفتحو دراسات عليا في اقتصاد البيضاء

ع أقل في ال 5 سنوات الجايه لان اهم حاجتين لازم ايتوفرن للدراسات

القاعات وأعضاء هيئة التدريس المؤهلين ( يعني استاذ دكتور ) وفي اقتصاد

البيضاء 3 او 4 بس الي عندهم المستوى هذا وهم عراقيين

سؤالى الثالث هل تعرف الدكتور سيد تبع مادة المحاسبه الماليه

قصدك على ... سيد النفراوي ههههههههه

والدكتور اميسر والدكتورة كمياليا

أكيد نعرفهم لانهم درسو علي والاستاذه كاميليا حالياً

رئيسة قسم المحاسبه

ولا انسى الدكتور على فارس وزوجته الدكتورة ثناء تبع مادة الادارة العامه ومادة تحليل القوائم الماليه

الاستاذ الدكتور علي فارس وبدون مجاملات أفضل اساتذت الكليه

اما زوجته ما خذيتش امعاها وبالتالي مانعرفه

واستاذ محمد الصفرانى

اوووووووووو بصدق أفضل الليبيين بصراحه راااااائع وهو حالياً في بريطانيا

والاستاذ عبد الواحد سعيد

نعرفه بس للاسف تخصصه موش نفسي عشان هك ما خذيتش امعاه

وشن رايك فى تدريس كل واحد فيهم طبعا اذا درسوا عليك ؟؟؟

جاوبتك

سؤالى الاخير تحضير الماجستير ساهل ام صعب تدرس فيه مواد او بحث
على طول بالانجليزى او انجليزى وعربى ؟؟؟

هو الماستر مواد و رساله يعني تقري مواد اتكمليهن يقعد عندك دبلوم

وبعدها اتجي الرساله تنهيها يقعد تحصلتي على الماجستير

وقرايت الماجستير ساهله خاصة مرحلة المواد مع انها تاخذ وقت

قريب سنتين بس عشان المواد وهذا بس في ليبيا برا في سنه

اما الصعوبه اتجيك في الرساله وخاصة في قاريونس من الاخير ايشحوروك

اكيد اتقول ياريتنى ما قلت انحضر فى الاقتصاد عشان سكنتلك

ههههههه بالعكس ادللي وبالزايد عاد بنتنا وما انخليك الا راضيه

بس حتى ولو ما جاوبت عادى حنعذرك لانى كثرت عليك

انتي يمشن امعاك الكلمتين هذين امر تدلل

ملاحظه وين الصور اللى ترافق فيك مع كل تعليق او موضوع
بصراحه انت متميز فيهن فياريت اتواصل بهذا التمييز

تسلمي يابنتنا

بصراحه نا من مؤيدي اسكت وخلي الصوره تتكلم

ومن الان فصاعدا انا مع برشلونه بس مع رونالدوا

معناها انتي شورك زهرة البنفسج ونا الورفلي
بس ارجي شوي اي رونالدو شجعي ميسي

السلام عليكم

اخي .. ولد البيضاء

لي زمان على كرسي الاعتراف .. لا لشيء .. بس لمشاغلي و لعدم مقدرتي على الدخول

و لكن خلال تصفحي .. لكرسيك .. احببت ان ادردش معك

يعني

نلتــــــــــــــقي لنرتقـــــــــــــــــي

جيتك بأسئلة عن الاعضاء

عضو توقيعه روعه..( )

[size=21]عضو نشيط... ( )

عضو مفقود... ( )

عضو تفرح بوجوده .. ( )

عضو تحسه واثق من نفسه ... ( )

عضو داخل مزاجك ... ( )

عضو يغيضك .. ( )

عضو تتمنى تلقتي به ... ( )

عضو مثقف... ( )

عضو ودك تغير اسمه ... ( )

عضو ودك تعرف معنى اسمه ... ( )

عضــو تحس أن فيه خــمول (كسل ) ... ( )

عضــو يجذبـك بأسلوبه وطريقـة ردوده ... ( )

عضـو أحيانا ينرفزك بـ ردوده ...( )

عضو ودك تقول له صح لسانك .. ( )

عضو أتحس انه طموح ... ( )

عضو تحسه طفولي .. ( )

عضــو يناسبه لـقب المحبوب ... ( )

عضو تقوله (( ماينساك أبد قلبي )) ... ( )

عضو تقوله (( الله يسامحك ))

ولي عودة بأذن الله .. لكي نرتقــــــــــــــــــي

غسق كتب:: السلام عليكم

اخي .. ولد البيضاء

وعليكم السلام ورحمة الله وبركاته

اختي ... غسق

لي زمان على كرسي الاعتراف .. لا لشيء .. بس لمشاغلي و لعدم مقدرتي على الدخول

ربي ايعينك ويوفقك

و لكن خلال تصفحي .. لكرسيك .. احببت ان ادردش معك

شرف لي

يعني

نلتــــــــــــــقي لنرتقـــــــــــــــــي

صعوداً نحو القمه

جيتك بأسئلة عن الاعضاء

عضو توقيعه روعه..

( معاش نذكر لان لغو التوقيع بس تقريباً توقيع اسامه البرعصي )

[size=21]عضو نشيط...

( بنت العز والملاك البرئ )

عضو مفقود...

(الأسطوره أم البنات )

عضو تفرح بوجوده ..

( زهرة البنفسج )

عضو تحسه واثق من نفسه ...

( المبدع دائماً العمده )

عضو داخل مزاجك ...

( أناي )

عضو يغيضك ..

( بالتأكيد زهرة البنفسج )

عضو تتمنى تلقتي به ...

( اسامه البرعصي )

عضو مثقف...

( ناصر العوكلي والفاروق )

عضو ودك تغير اسمه ...

( السعيد الى اسمه السابق لانه اقوى )

عضو ودك تعرف معنى اسمه ...

( أناي , wadak2010, Wekly )

عضــو تحس أن فيه خــمول (كسل ) ...

( احمد كريم )

عضــو يجذبـك بأسلوبه وطريقـة ردوده ...

( أناي )

عضـو أحيانا ينرفزك بـ ردوده ...

( فارس ورجال )

عضو ودك تقول له صح لسانك ..

( الشمعه )

عضو أتحس انه طموح ...

( بنت العز )

عضو تحسه طفولي ..

( الورفلي )

عضــو يناسبه لـقب المحبوب ...

( الورفلي )

عضو تقوله (( ماينساك أبد قلبي )) ...

( عالم الاحساس )

عضو تقوله (( الله يسامحك )) ...

( بصدق مافيش )

ولي عودة بأذن الله .. لكي نرتقــــــــــــــــــي

انشاء الله ... نلتقي لنرتقي

خير يا ولدنا عدنا

انت خريج ثانى دفعه بس سنة 2005 2006

لان اول دفعه 2004 2005 وانا صح من اول دفعه

ويطول رجائى على المايستر فى البيضاء عشان مفيش دكاترا وخمس سنوات الـحـلـقـة الـثامنه والـثـلاثـون من كراسى الآعتراف مـع ولد البيضاء - صفحة 2 139404

الـحـلـقـة الـثامنه والـثـلاثـون من كراسى الآعتراف مـع ولد البيضاء - صفحة 2 139404

سؤالى :- ما هو القسم فى المنتدى تحب ان تشارك فيه ؟

من الاعضاء اللى فى المنتدى تعرفهم شخصيا ؟

وفى النهايه ربى ايوفقك وتبى اى استفسار عن جامعات مصر توا انتوسطلك عند لجين

بنت العز كتب:: خير يا ولدنا عدنا

اهلين ومرحبتين good back

انت خريج ثانى دفعه بس سنة 2005 2006

كيف هي اعناد ؟؟؟ لان هوايتي لعناد وجمع الطوابع

اول دفعه بدت في سنة 2000 او كانو تقريبا 192 طالب

يعني اول سنه 2000/2001

ثاني سنه 2001/2002

ثالث سنه 2002/2003

رابع سنه اي التخرج 2003/2004

وكان اتعاندي اخرى توا انجيبلك نتيجتك ونعلقها لك هنا

لان اول دفعه 2004 2005 وانا صح من اول دفعه

كان انتي خريجة 2004/2005 معناها من دفعتي وشوفي شهادتك

ويطول رجائى على المايستر فى البيضاء عشان مفيش دكاترا وخمس سنوات

حتى الخمسه مشكوك فيهن

سؤالى :- ما هو القسم فى المنتدى تحب ان تشارك فيه ؟

اخبار الكوره العالميه وليبيات

من الاعضاء اللى فى المنتدى تعرفهم شخصيا ؟

ناصر العوكلي والورفلي اصدقائي من الابتدائي

وبالاضافه الى صالح الخزعلي والملاك البرئ والعقوري

واحمد كريم والعمده وعالم الاحساس وقلم البيضاء والفاروق

واخرين

وفى النهايه ربى ايوفقك

ويوفقك تسلمي

وتبى اى استفسار عن جامعات مصر توا انتوسطلك عند لجين

لجين راحت قوليلها مانبي منها شي امغير سلامته

وبالتأكيد سلامتك حتى انتي

السلام عليكم

لا لا انا مارحت انا قاعده والي تبيها حاضر مايهمك شي ولووووووووووووو

وبنت العز اول دفعة في الاقتصاد

وبلاش عناد وسعو بالكم

سوالي هو احكيلنا علي موقف مضحك صار معاك

موقف محزن وموقف اغضبك وموقف اسعدك

ودمت بصحة وسلام

لجين كتب:: السلام عليكم

وعليكم السلام ورحمة الله وبركاته
لا لا انا مارحت انا قاعده والي تبيها حاضر مايهمك شي ولووووووووووووو

تسلمي يا بنتنا ... واكيد لو انتي قاعده في مصر نبي نسألك

كان ما عندك مانع

وبنت العز اول دفعة في الاقتصاد

معناها خريجة 2003/2004

وبلاش عناد وسعو بالكم

عشانك توا نسكت بس راهي تعاند اخرى

سوالي هو احكيلنا علي موقف مضحك صار معاك

موقف محزن وموقف اغضبك وموقف اسعدك

بصراحه وبدون تهرب ذاكرتي بالهون ما انركزش

شن ايسير امعاي وننسى ابسرعه عشان هك ما نقدر

نذكر مواقف معينه وخاصة الحزن

بس الضحك والغضب والسعاده فيك اتقولي

صارن امعاي في الايام الاخيره في قسم كوره عالميه

امعا الورفلي وزهرة البنفسج والملاك البرئ

بجد الجو عجبني بس بعدها وقفنا

ودمت بصحة وسلام

تسلمي وربي يحفظك

نلتقي لنرتقي

لو سالتك من الشخص الذي سيجلس بعدك على كرسي الاعتراف فما هي اجابتك ؟؟

السعيــــد كتب:: لو سالتك من الشخص الذي سيجلس بعدك على كرسي الاعتراف فما هي اجابتك ؟؟

بصراحه مازلت ما قررت

بس الاكيد واحد من بين الاسماء هذي

لجين ... أناي ... همس ... السعيد ... الناري

تحيه طيبة أيها المحترم

قد شارف الاسبوع على الانتهاء نرجوا منك إختيار عضو أخر

للجلوس مكانك وذلك قبل الساعه 12 ليلا

والسلام عليكم

الـحـلـقـة الـثامنه والـثـلاثـون من كراسى الآعتراف مـع ولد البيضاء - صفحة 2 %D8%A8%D8%B3%D9%85%20%D8%A7%D9%84%D9%84%D9%87%20%D8%A7%D9%84%D8%B1%D8%AD%D9%85%D9%86%20%D8%A7%D9%84%D8%B1%D8%AD%D9%8A%D9%857

أخي فارس ورجال

بعد التفكير وقع اختياري على أختنا أناي ..!!

نلتقي لنرتقي

الـحـلـقـة الـثامنه والـثـلاثـون من كراسى الآعتراف مـع ولد البيضاء - صفحة 2 F2tdcbruonqo

الـحـلـقـة الـثامنه والـثـلاثـون من كراسى الآعتراف مـع ولد البيضاء - صفحة 2 F2tdcbruonqo

......... السلام عليكم .... خسارة قبل نبي نسئل لكن ....

... شكلي تأخرت مش مشكله توا نسألك فالحوووش .... lol!

.... ولك تحياتي الخاصه للعاده يا ولدنا ... على قوله ولد عمي

... لاعب فريق الأهلي بنغازي ...... سلام

فى الوقت الذى نتقدم إلى الآخ ولد البيضاء

بالشكر والتقدير على تكرمه للجلوس على كراسى الاعتراف

طيله الآسبوع الماضى

وبعد إختياره للعضو النشيط فى المنتدى وهى

أنــــاى

فقد تقرر وضعها على كراسى الاعتراف طيلة الآسبوع القادم

إبتداء من يوم السبت إلى يوم الخميس القادم جلوس موفق

» الـحـلـقـة الـخامسه والـثـلاثـون من كراسى الآعتراف مـع مذهله
» الـحـلـقـة الـتاسعه والـثـلاثـون من كراسى الآعتراف مـع ((أنـــاى))
» الـحـلـقـة الـسابعه والـثـلاثـون من كراسى الآعتراف مـع أسامه البرعصى