كم أنت كبير يا إبن الريال......

الأخبار 14 يناير
2011
في كأس الملك بإسبانيا ...
ريال مدريد 3-1
اتلتيكو مدريد
الفريق الأبيض الملكي
يقلب النتيجة ويبعد
خطوة واحدة عن نصف
النهائيات
كان الزخم الذي أظهره ريال
مدريد خلال المباراة صارماً.
فقد حظي أتلتيكو
بانطلاقة قويّة ولكنّه هُزم
مجدداً في برنابيو. لم
تتقرّر مرحلة التصفيات
بعد ولكن أهداف ريال مدريد
الثلاثة أعطته أفضلية
متينة لمباراة الإياب.
أثمر الجهد الرائع بين
رييس وأغيرو بعد مرور
سبع دقائق على بداية
المباراة في إرساء الكرة
على قدمَي فورلان داخل
منطقة المرمى فسجّل
اللاعب الأوروغواني هدف
الافتتاح. كثّف الفريق
الأبيض الملكي جهوده
وأحرز هدف التعادل في
الدقيقة 13 من خلال ضربة
ركنية سدّدها راموس.
وضغط ريال مدريد أكثر
على مضيفه ووحده الحارس
دي جيا منع الفريق
الملكي من التقدّم قبل
نهاية الشوط الأول.
انتظر أتلتيكو الوقت
المناسب لشنّ هجمة مرتدّة
مع بداية الشوط الثاني
وكاد فورلان يسجّل هدفاً
غير أنّ الكرة ارتطمت
بالقائم الأمامي. وردّ ريال
مدريد على ذلك بعد خمس
دقائق إذ مرّر أوزيل الكرة
إلى منطقة المرمى من
الجناح الأيمن فسدّدها
رونالدو نحو شباك الخصم
بركلة واحدة )د61(.
بدأ رجال مورينيو بالمعاناة
من الجهود الجبّارة التي
قاموا بها خلال الشوط الأول
وبدا عليهم التعب. فقرّروا
أن يتحكّموا بالكرة أكثر
لمنع أتلتيكو من
الاستحواذ على الكرة.
ثمّ قام أتلتيكو بما
يشبه الانتحار في وقتٍ
بدا فيه أنّ الفريقين لا
يقومان بعملٍ كبيرٍ
لتغيير النتيجة، حيث
حاول فيليبي تشتيت
الكرة داخل منطقة المرمى
ولكنّه ضرب دومينغيز بها
بدل ذلك وأسقطه أرضاً ممّا
سمح لأوزيل أن يهزم دي جيا
قبل الدخول في الوقت
الضائع
هذا الفوز مقدم إلي كل برشلوني
واقول لهم شن رايكم في
رنالدوا امس بالذات شهادة
حق خصوصا الملاك* ولد البيضاء
وشاهين برقه *
كلا رنوة اكيد فرحانة صح بهذا
الفوز
كما أنت كبير يارنالدوا يا إبن الريال

... شهادة حق .. والله ما ينفع بقرش ....

.. انت عارف عامل الجمهور ... هو الي خلا الريال يفوز ...

... اما عن افضل من ادى في مباراة الامس هو دي ماريا واوزيل ..

تحشم على وجهك يا ورفلي وقول الحق ....

... ورونالدو متاعك توا نشوفوه في مباريات الدق ...

بعدها نقولك شهادتي فيه وبالحق ...

تعرف يا ملاك انت مفروض ايجبوك
في برنامج الروح الرياضية
انت قلت رنالدوا ما ينفع بقرش
وتحكي علي الكورة
يارجل والله مانك عارف فيها حاجه رنالدوا امس في الفورمه وامس
عصام الشوالي عطاه حقه
لا انا ولا انت* وانت عارف ان عصام الشوالي إيشجع في
البرشا
وراني سجلت القول امتاع رنالدوا في نقالي وتوا إتجيني وانسمعك
شن حكاي عليه تم

... من قال ان الشوالي يشجع فالبرشا ...

.. هذا الملعلق يعلق بالانصاف لا نع هذا ولا ذاك ...

.. رونالدو مازال ما طب في مباريات دق الا مباراة وحدة وطلع حتى القرش خسارة فيه

وهي قدام برشلونه دقوهم 5 .. ودمعته على خده ....

... كان انت فرحان عشان كلام عصام الشوالي بحق رونالدو امس

معناها نبي ننسخلك دسكة كاملة مدتها 5 ساعات

بيش تسمع فيها كلام الشوالي في حق الاسطورة ميسي ... مش عشان قول واحد ..

.. تحشم على وجهك ... وخطرها من افضل لاعب فالعالم قتلي ... هاهاهاهاهاه

ورفلينا شن رأيك تديرو استفتاء من يشجع الريال ومن البرشا

وانا اول وحده ونشجع البرشريال

رنالدوا وميسي كان يحطوهم في فريق واحد

هههههههههههههههههه

تي والله اقتنعت مية في المية
اليوم هذا يا الملاك انك ماتفهم
في الكورة عن حق وحقيق
بالمصري
ايش تبي بعد دربي مدريد علشان
رنالدوا ايبان فيه وبعدين كنك
إمزبل اتلكتو مديد اللي فازوا علي
الأنتر اللي فازوا علي البرشا
ولا انسيت اذكرك ... إذا كان انسيت

زهرة إقتراح جميل وفيه روح رياضية صح بس انتي تعرفي
كل واحد عنده فريق إيشجع فيه
لكن انا امعاك بس بشرط
تبقي الكلمه هك
ريال شلونة.....تم

ياورفلي اول شي كان تحكي ع أهداف ف ميسي سجل هاترك
في مباراه بيتيس وهذا موش موضوعنا
ثاني حاجه عصام الشوالي امصرح ابنفسه انه ايشجع ف الريال
وحط ع يو توب توا اتشوف وتسمع بروحك وحتي هذي موش موضوعنا
ثالث حاجه جو فزنا علي الفريق الي فاز علي الفريق الي فاز علي فريقكم
مع احترامي لك هذا جو اعيال اصغر
ع عموم نبيك تعرف ان افضل 3 لاعبين ف العالم من برشلونه
وان برشلونه في اخر 5 مبارايات ايلطش ف الريال بالخمسه والسته
عشان هك بعد ايفوز الريال ع برشلونه احكي غير هك راك قاعد اتبرد علي روحك
مني نا فوزو 10 صفر علي اي فريق بس ع برشلونه حتي التعادل ماتحلم بيه
وما تقدرو تاخذو ايا كاس وبرشلونه قاعد
ومغير اكتب اسم رونالدو صاح بس هههههههههههههههه

ياورفلي من رنالدوا لاعب جديد هذا !!!!
الترجمه عندك غلط هاهاهاهاهاهاهاهاها

ياولد البلاد هذي اللغة العامية عندنا
شكلك حتي إنت ماتفهم فيها
الكورة
وانا عند كلمتي انحطلكم حولي
كان البرشا خذا الدوري
هذا كلام رجاله يا الصغار......

.... هاهاهاهاهاه نعم اخي ولد البيضاء الورفلي قاعد زي العيل الصغير

اللي يسكن عالحاجة مع انها سئية جدآ ...

.. وزي ما قلت يا ولدنا الورفلي قاعد يبررررد بالهندي قصددددي يبرد برنالدوا .. هاهاهاهاه

.. اخطاء املائية بالهبببببببببببببببببببل ... مش مشكله نحنا عارفينه عارفين خطه هاهاهاهاه

.. وبعدين اي اتلتيكوا اللي تحكي عليهم السنة مش في الفورما

وبعدين مش قتلك انت مش متابع جيد للكورة

نذكرك ان برشلووونه شلط اتلتيكوا مدريد في ارضه 3_1 .. ووين راقد يا ورفلي

... لم تقعد متابع جيد جدآ فالكورة وتفهم فيها تعال احكي معاي ...

... ووتي الحولي من توا ........

ياورفلي نبي انذكرك برهانك امعاي من قبل وناصر شاهد
بعد خليتك اتحط حولي ف الحنيه
ف من توا حط الحولي الحنيه قاعده هاهاهاهاهاهاهاها
صار نا مانفهمش ف الكوره !!!
صاح دام انت تفهم فيها معناها نا معاش نبي نفهمها
بجد خلك ع دوري الليبي ماشي امعاك
ومن قال رنالدوا لغة ابلاد هاهاهاهاهاها لنقانك لخبط لخبوط الأخطبوط ياورفلي ياخربوط
اسمع لا تلعب بالنار تحرق اصبيعك

كنكم درتوا عركة مع بعضكم غير وسعوا بالكم وتعوذوا من الشيطان وصلوا علي النبي
المهم هذه كورة في الاخير انا بصراحة احترت انا اهلي كلهم يشجعوا في برشلونة وفي المنتدي كلهم يشجعوا فيه ماعدا انا والورفلي نشجعوا في الريال مع العلم اني اتفق معكم في ميسي انا عندي
احسن لاعب لانه يستحقها بس رونالدو مانفضلش واجد لكن انا امعاك ورفلينا مستحيل انسيبك
ابروحك وسط هالهجوم خفوا اشوي علي الورفلي حرررررررررررام
انشاءلله الريال ايفوز يالورفلي علشان هم اللي ايحطوا الحولي وتاخذ حقك
سؤال معليش عليش الناس كلها انحس فبها اتشجع في البرشا علشان ميسي مثلاً
اسفة ورفلينا راك تزعل انشاءلله المرة الجاية احسن لاعب رونالدوا
ولد البيضاء وملاكنا راكم تزعلوا مني

» كل يوم لاعب وبطل من ابطال الريال ....[1]
» البرسا يسحق الريال بخماسية
» الله عليك يا الريال