معيدين الجامعه بالداخل

السلام عليكم::



صراحه الموضوع هذا معش عرفت وين انضيفا هل هنااو في قسم الفرفشه ا و او المهم::



كلامي ارجوا ان لاتفهموا غلط او انني حسوده او انانييه بس انا ارى الحق حق::

واللي حاصل ان طلبه تخرجوا بتقادير وحتى اخي خداها الاول ع القسم ولم يخرج بعته فالخارج ؟؟ليش الله اعلم؟؟



والان بعد الثوره حال المعيد كما هو بل ازداد سوء::راتب 300 دينارفقط::مع دراسه صعبه ومتعبه مع اشراف فالجامعه عالطلاب مع اعطاء بعض المحاضرات مع تنظيم القسم وترتيب اوراق القسم وشغل مع اقرايا فالماجستير::

اخر شئ::عندي اختى متخرجه من ثالثه ثانوي::

وتعينت فالمركز الوطني (يعني مرقد وطني اطياح فالحوش )

زادو راتبها وخدت 600 دينار..وانا واخي اللي خريجين جامعه وتخرجنا بتقدير وبامتياز ومعيدين 300دينار +شغل+تعب دراسه+مواصلات بعيده+سكر فمك؟؟؟

ومحمود جبريل يقول سأهتم بالطلبه اللي فالخارج ؟؟ونحنا يا احميده كنا ؟؟نحنا اللي حاربنا وتعبنا وبطلنا 6شهور مدورنش واخرتها تدعم الطلبه اللي فالخارج؟؟ونحنا ياحمادي

وقال ان التعليم بالداخل تعليم فاشل؟؟وكنا مايقعد فاشل لو عرفت اني لمى اهتم واتخرج بامتياز وخوي الاول منطلعوش برا ونتبهدلو راني ماقريت راني وقفت لشهاده الثانويه وخديت 600 كيف اختى اطياح.؟.ويقول التعليم فاشل ؟؟

انا انقول الوقت يبي هك بطل افشل متكملش دراستك متعبش روحك وتاخد امتياز..راح يكافؤك..اما اذا تعبت فانتا لا تشكل شئ..

معش في دعم لطلبه الامتياز::لدي صديقتي( سامحوني عالكلمه و اسفه جديات) فاشله دراسيا رسمي..تخرجت بعد عمر طويل وبمقبول وخشت تقرا فالاكاديميه عحساب نفسها لان المقبول لايقبل فقاريونس..المهم تخرجت من الاكاديميه وجت تدرس فالجامعه وايام وتتعين؟؟؟ونحنا يا طلبه الامتياز ؟؟ربي معانا عموما دولتنا الجديده تبي تنظيم ..صراحه هيا توره مش فوضى..

صراحه وضع مؤسف فقاريونس وسااامط ..لو نلقى ننقل للبيضاء ..ونقرا غادي..يارب ونفتك من وضع قاريونس المزري..موظفين حمله شهاده اعدديه وتانويه ..400و600دينار واوراقك ميطلعنش الا من تحت ايديهم مااااااااااااااااااااااااااااااااااااااااهذا؟؟؟ ياريت الكل يرد وبصراحه بعيد عن اي حساسيه اذا كان من بينكم احد فالمركز الوطني انقولا انا مش معارضه عليكم بس انا نحكي عالظلم اللي نحنا فيه ياريت تردو علي يا طيبين..

ااااختي اولا ربي يفرج عليك وعلي امثااالك وصدقيني في اشخااص واجد مظلومين من قبل الدوله

ولكن نحنا املنا بربي كبير وانشاءالله الفج قريب وتوا تاخذوا حقكم وزيادة وتعبكم مش هايضيع هيك

انا نحكي بصراحه بس اصبري انتي صبرتي اصبري اشوي اخري معليش توا ممر يطلع وامجلس يفضي لطلباتكم ونبنوا ليبيا جديدة من غير وسطااات وكل حد ياخذ حقه والاعادة مايحصلها الا الممتاز صدقيني مستحيل نبنوا دولتنا علي الباطل هذا كان ايام معمر

وكل توخيرة فيها خيره صدقيني توا ايجيكم خير واجد

وعلي فكرة كان انتي في جامعة عمر المختار راه في اجتماع يوم اللاثاء للمعيدين ومساعدي الباحث علي مستوي الجامعه

وزي ماقتلك ربي يفرجك همك ويعينك

واسفه علي الاطاااله

السلام عليكم اختى ....

"ياعوينك معيدة وتاخذى فى 300 دينار انا كنت ناخذ فى 189 دينار ليبي ولمدة 8 سنوات ايام وانا معيدة (( للعلم لم يكن هناك معيد اخذ هذة المدة فى الايعادة))....و8 سنوات بجد وتعب والله اعلم....

وصدقينى لم يلتفت احد من المسئولين انذاك الينا رغم شكاوينا واعتراضاتنا المستمرة و....ولكن صبرنا ختم بالتحضير فى الخارج وهنحن عدنا... والى الان ناخذ فقط فى 44 دينار ليبي منذ قيام الثورة والان وبعد تعيينا أساتذة فى شهر 9 لازلنا ننتظر الفرج ....وكلنا امل فى تغييرات الجديدة....

لذلك نخلص فى ان حظك لازال اوفر منا ... فقط اصبرى.. ...وانتظرى معنا ....

بعد انتهى النظام نهائيا....فالجامعةسوف تحتاج الى تغييرات جذرية ولا نستطيع الان الحكم على شئ ولا البث فى اى موضوع ....صدقينى لازال الوقت غير مناسب لنقد الحكومة الجديدة ولا المجلس الانتقالى لا ن الايدى المندسة (نفس الوجوه السابقة) كما هى لازالت تعمل رغم التغييرات البسيطة
بدون دراية ولا علم لا المجلس ولا الدكتور محمود جبريل ولاغيره

لذا يجب ان يكون لنا دور فعل فى بناء ليبيا الجديدة " وجامعة جديدة"بعد عودة الثوار من كل الجبهات ان شاء الله .... وانتهاء العهد السابق بالكامل ....وتغيير كل الطاقم الجامعى باذن الله

لك تحياااااااااااتى اتمنى لك التوفيق

السلام عليكم::



اختى المغتربه ربي يساعدك ..بس انا شفت ان هنالك من استغل ثورتنا وحطوه في مكان وهو غير كفؤ متلا طلاب خريجي اكاديميه يتعينو ويصبحو امناء اقسام اقسم بالله هك صار مش غلط هذا الشئ؟؟؟وخرجي جامعات قاريونس مش متعيينين وحتى تعاون مش لاقيين زملائي انا اعرفهم شخصيا مش حرام هك؟



انا انشوف فحاجات يوم عن يوم يزدادن زلو ميتوقفنش توه صدقيني معش يقدر اي حد يوقفهن ؟؟هذين حاجات لازم يتوقفن الان قبل غدا يعني عينوهم اوكي بس الكفؤ هو الاول وامناء الاقسام لازم يكونوا دكاتره وكفؤء ؟؟

بجديات هنالك اخطاء حدثت وان لم نغيرها الان صدقيني ماعاد نقدرو

اما بخصوصك انتى ..فانتي كنتي زيك زي الناس.كلها كانت متلك..

.بس الان نحن يا معيدين بالداخل لا شئ حتى

مكتبه مافيش وماعندناش صيانه ومسكره وفاتحييين بعيد مكان لها ونصه ناقصه ومتلخبطه وماتحكيلي بكل..زياده المرتبات جت لكل الاطياف ماعاد نحن المعيدين رغم اننا نتعب واذا نبو نسافرو نبو كتب نديرو جمعيات باش نمشو بيهن...ههههههههه والله حتى السوداني اللييشتغل فمزرعتنا خوتي زادوه ؟؟

القصه مش قصه طمع بس الحق حق وانا شفت ان هذه الامور غلط..