مرحبا بالمستشار

السلام عليكم

وصل اليوم المستشار مصطفي عبد الجليل الي مدينة مصراته الصامدة من اجل مشاركتهم الاحتفال بالقبض علي الطاغية

معمر القدافي وابنائه

حيث عمت التكبيرات والزغاريد والاغاني والاضواء مدينة مصراته وخرجت الامهات والاخوات والابناء فرحا

فدم الشهداء لن يضيع هباء

فمدينة مصراته رغم الدمار فهي في اجمل حله لها الله اكبر

الله اكبر
ربي يفرح الشعب الليبي اكثر واكثر
صار مصراته منوره بمستشارنا
ربي يحفظه ويحفظ بلادنا امنه مستقره
تحياتي هموس

الله أكبر

منورين بمستشارنا

وبارك الله فيك زهرة القلوب

امس اعلن المستشار لابد من دفن الجثه بطريقه شرعيه وطبعا شفنا التمثيل بالجثه واعلنوا انهم

سيدفنوها في مكان مجهول من مصراته وعائشه القذافي تطالب بالجثث الان على قناة الراي واكيد

هو ماشي عشان هم مهزلوا بيه قدام العالم يبي دفن اكويس قدام العالم[/size]

الله اكبر لقد ان الاوان للشعب الليبى ان يفرح ويبتهج بالنصر

حفظك الله يامستشارنا مصطفى

اختى همس قدوم المستشار يبين ان لافرق بين شرق ولا غرب ويوضح للناس اللى تبى تزرع الفتن بين الشرق والغرب انهم لايستطيعون التفرقة لان شعبنا واحد وبلدنا واحد هى ليبيا الحبيبة

ربى يجمعنا على كلمة الحق ويبعدنا عن الفتن وكل شخص يحب يفرقنا

وليبيييييييييييييييييييييييييييا وحدة وطنية لالشرقية ولا غربية

واكيد ربى رد الاعتبار لاهل مصراته الابطال بقتل الطاغية وكان لهم هذا الشرف ليتوج بطولتهم

مشكوره بنت ليبيا وطبعا مفيش فرق ليبيا وحده وطنية

يابنت ليبيا انت اتقولي فتن اصبح النقاش والحقيقه فتن والله كلام همس صح وشوفي الحقيقه في قناة

الان توا وشوفي اخر الاخبار طلع واحد اخر هو من قبض علي القذافي يدى سند العريبي وسلمه

لهم لانه لايحب الظهور من بنغازي هذا دليل علي اني مش عنصريه انا من البيضاء وسند بنغزي

شوفي اخبار الان [/size]

يا بنت ليبيا جاوبيني فورا بعد قالت مصراته مصراته ....الخ وافحمتنا بمصراته وما تجيبلنا إلا في

أخبار مصراته كأنه ما في شئ غيرها مصراته دارتها لنا حبوب وبعدها توجت كلامها بقولة

"الشراقة" باعوا السلاح وهم عدو ببواخر سلاح ورجال والله رجال عدوا حاربوا في مصراته

وكله بلاش كن في عدد بسيط باع سلاح يقعد قله لا تذكر في بحر من التبرعات البلاش والبيضاء

خصوصا ما باعت شئ مدن أخرى بعضهن باعن سلاح ويكفي الرجال اللي حاربو عندهم حتى لو

باع البعض من مدن أخرى السلاح بعد هذا كله اتقولي يا بنت ليبيا وحدة وطنية والناس اللي يبو

الفرقة هي أول وحدة اتبث في الفرقة اللي ما يبيش فرقة يقول ليبيا مش يقول مصراته وبعد اناقشوه

وانقولوا البيضاء ولا الشرق ايطير وينزل شنو هذا اما تنسى حاجة اسمها مصراته ونحن ننسوا

وكلنا انقولو ليبيا واما تتحمل ما يجيها

ههههههههههههههههههههه

جو عليك مسكينه هند عندها حساسية من مصراته

مصمصي فمك بالزهر

واسالي اللي اكبر منك علي مصراته

وليبيا وحدة وطنية لا شرقية لا غربية

أولا أنت في ردك في الله أكبر قلت نحن مرضى وهنا قاعدة تتطاولي وأنا ما زلت ألفاظي محترمة

معاك شنو مصمصي فمك والكلام هذا عيب ومرة اتقولي حاشا البيضاء انكون منها أفطني هذا

عيب أنا بنت البيضاء أبأ عن جد ومش بس جدنا عمر المختار اللي حارب أنا جدي أب أبي طول

قتل وهو يجاهد في حرب الطليان وتبي اسمه عدي شوفيه في قوائم المجاهدين يعني أنا تفخر بي

البيضاء مش حاشاها

ثالثا قولتك أسألي اللي أكبر منك أنا مش في الابتدائي قدامك أنا معيدة في الجامعه نعطي معامل

للطلبه ونحضر ماجستير تبي تجي حضرتك تعلميني وعلى الأقل أنا نعرف تاريخي أبا عن جد

على الأقل نعرف وين جدي مدفون وين جدنا الأكبر عمر المختار لكن أنت وين جدك يا متعلمة

؟؟؟؟ بلكي أنت اللي تسألي اللي أكبر منك خير

» مرحبا مرحبا زويل الصاحب ما ايغبى
» مرحبا ثوارنا
» الاصلاح حق وليس منحة