مكانك خالي ...للشاعر نعيم الزوي

مكانك خالي..مكان فيه كنّا أنميعدوا ياغالي
خطّمت وألقيته .
هالب عليه مكانه..
ألقيت الكراسي والطيور حزانه
وحتى الشجر هلّلي شهد ملقانا..
وينما نظرني قالّي طوّالي
وين العزيز اللي لذيذ حنانه..
اللي كان ديما امعاك قبل وتالي؟
اللي كنت ماتقدر على هجرانه..
وعايش على ودّه أسنين أطوالي
جاوبت قتله:خاينه وخوّانه..
الدنيا أتعلّي وتقلبك فالتالي
واللي تعمّر هدّمت سيسانه..
ومايدوم فيها غير وجه العالي
فيها الجفاء والغدر والإهانه..
وفيها المحبّه تنقلب تسالي !
اللي كان كيف الروح قبل أمعانا..
دار كاينه مادراها لا والي
خان الغلاء فالخاتمه بكّانا..
لاعَـدّ عشره لاأيّام دلالي
ولاعدّ لا ضميره ولاوجدانه..
ولاقال كيف إيكون يبقى حالي
من غير مايحسب اليوم رمانا..
فى فعلته أنهزّيت من معدالي
اليوم أنتهى مدفون فالجبّانه..
داير عزاه وخيمته فى أليالي
واللي خذيته من خطاء وأخيانه..
ذكرى حزينه فالحياة تبقالي...

اليوم أنتهى مدفون فالجبّانه..
داير عزاه وخيمته فى أليالي
واللي خذيته من خطاء وأخيانه..
ذكرى حزينه فالحياة تبقالي...

وما اجملها من ذكرة ولن يمحوها الزمن

تحياتي لك اختي ولهذا النقل المتميز

مودتي و امتناني لك بالخير

اخوك على الدوام الـــــــــــــشمعه

» مكانك خااااااااااالي
» قصيده للشاعر جمعه بوخبينه
» انلومك للشاعر صالح بوعياد الشهيبي