الراحل عبدالكافي في ضيافة منتدي السلفيوم

عبدالكافي محمد الجالي البرعصي
مواليد : 1954ف
أحد رواد التراث الشعبي خاصة في مجال (غناوة العلم) و(الشتاوة)
بدأ حياته الفنية في السبعينات،لقب ب(كترابيل) لأنه كان يتخطا كل العوائق والمرتفعات الشعرية التي كانت تعترض سبيله
كان سريع البديهة حاضر الذهن،لاتستعصي عليه القوافي ولا الكلمات ولم يكن يوماً قد أعاد غناوة له أو شتاوة
تعرض عام 2000 لحادث أليم وبقي في حالة غيبوبة لمدة خمس سنوات افتقده أنداده خلالها
فقال سليمان الشريمة:ندعوله ايجي بريان...وايعود كي ماكان بينا
وقال حميد السعيطي:اللي ضناه يرجوا فيه...ابري امرضه ياخالق الدوا
وقال فتحي العبيدي:غايب عالميعاد قريني...كان بكيت احذاك اعفيني
وقال جدي البطوم:سيد الصوب اليوم امطوح...غير نفس يمشي وايروح
بعض الغناوي التي ألقاها عبدالكافي في جلساته:
ياواهب ارزاق العين...سهل أقسام مقطوع الرجا
عزيز فاتك ياكبد...اسملا علي ان ماقسم
حتى لو أعزاز انكروا...نحلف عليه عقلي عندهم
جينا اصداف عزيز...اشردن لابكن لا دنقرن
جميع من مغالي ناس ...قسموله الا أنا ايش دوتي
انقول حلم ولا علم...بعد اسنين لاقيت جارحي
حتى والفراق اقسام...اللوم عالقديمين دايره
جميع مازرعتا صاف...بختي عطيب ياناس في الغلا
اخطي امعاي والقيها عزيز...قيسني صاحب عشم
ياريتنا نهار خطاك...متنا عليك ياصاحب الغلا
العين حالفة للعقل ...انطيعك الا في نسوهم
من لذع ياعزيز النار ...تقبل جميل لو تاوى علي
انخاف ياعزيز عليك...اندير كبد تلوي ايدي ابها
ضماد ياعزيز الجرح...ما اقسى ايديه مو ماوي علي
اقصرت ياعزيز امعاي...رخيتني ونا ليد مادها
بعض شتاوات عبد الكافي:
ديمة يا جوي متعكر...قاعد في لوهام انفكر
ياجياب نبا فرقاهم...ياريتك عديت امعاهم
ننشد في فسار منامي...قال ابكي مافيه قسامي
كان ابكاك ايداوي عقلي...ليل نهار عليه ادقلي
من سطارسطير جروحي...متملل حتى في روحي
ماني معتاز لغياتا...الغالي كي روحه اعجباتا
لا لايم لا عاد قتلنا...من جرح المرهون اوحلنا
ليلة في ليلة في ليلة...دارن ع لولاف طويلة
كي جفني للنوم تلاقا...كنك جبتيلي نقناقه
دمع العين امغير ايهطل...لاجاب غوالي لا بطل
ياالقديم جضيضي منك...نين عويلي قالوا كنك
درت غلا في عمري لول...لا حول لا عمره ايحول
قاعد يا لولاف بلاكم...درنا نا والعين عزاكم
ماعمره بكاني والي...فيت اديار عزيز خوالي
ناسيهم في نومي رايق...لكن وين ايجوا نضايق
جانب من رده على كبار المغنيين والشعراء:في أغنية لأم كلثوم:كل نار تصبح رماد مهما تقيد الا نار الشوق يوم عن يوم بتزيد
رد عبدالكافي على ذلك قائلاً:تصبح رماد كل نار...ألا نار مالغالي علي
حسن الأسمر:كتاب حياتي ياعين ..ماشفت زيو كتاب ..الفرح في سطرين
رد عبدالكافي:كتاب عمرنا ياعين...سطرين فرح والباقي عزا
الشاعر خالد الرعيدي:خطم وليف الماضي..تخطيمة الروايا عالغدير الفاضي..غياض زادني
عبدالكافي:تخطيمة الزاهد ليش...مريت ياقديمي فالغلا
الشاعر خالد الرعيدي:عرق الشوق ذبل نحسابه..فك اجدابه ..رونق بمهاياة اصحابه
عبدالكافي:عروق الغلا ذابلات...طرواهن ندابيه ورقن
الشاعر عمران بوسيف:عن واجد ياما سهيتا ..غير القيتا عقلي كم دار امبكيتا
عبدالكافي:العقل اللي مسهينه...ديار واجداً باكي بهن
استحدث الكثير في مجال الغناوي
منها ردوده على بعض الاغنية العربية
والالغاز والاسماء التي ترمز لها
والمستحيل والمتناقضات منها==>>
ايعاود اللي دفنوه اتسير هذه ولا هانوا علي
يمشي جنين عمره يوم ولا عزيز جابا قسمنا
في احدى المناسبات سأل احد الحضور المرحوم عبد الكافي * كتربيل الساحل* كما يسميه أحميدة عيسى للتعجيز وقال له حيبلنا غناوة فيها أسماء ثلاث نساء فكان الرد سريع وقال
ما طلت ياعزيز أبعدك ليلى هنية رايقة
هذه ملحمة بين الكتربيل عبد الكافى البرعصى.......و عيسي......وللعلم ان هذه الملحمة لم تكن فى قعدة او مناسبة
بل كانت فى زردة ومعاهم مجموعة من الاصحاب وفى الليل رقدوا كلهم ما عادا عبد الكافى وعيسى..عبد الكافى شاف عيسى واعى فقاله غناوة ورد عيسى وبدات الملحمة المشهورة.....
عبد الكافى قال .....العقل جاب ناس ابعاد....داريتكن على نوم داربى
رد عيسى.....غلاطة ان ساهيناك........نبوا امغير غفوة واذرفى
رد عبد الكافى........ما ايريدش ايجيكن نوم.........والعقل فيه وسواس مالقدم
رد عيسى.......العين يا عزيز عليك.......اكثر حنينها طار نومها
رد عبد الكافى......منام يا العين وقضت.....احذاهم انك لومينك
رد عيسى...منام يا العين قفزت.....لومينك انك يالا اقدم
رد عبد الكافى رد قوى وفيه تاسف اعيسى الفاخرى ........وقال .........طريتم اوقات النوم.....كديتك انك لومك على.
وهذه ملحمة بين عبد الكافى البرعصى وعوض الفاخرى
عوض قال.......واطى فى النار اوحاملها.......خايف قولت تستاهلها
رد عبد الكافى......واطى نار عزيز اوخايف........من قولت عالدار امرايف
رد عوض.........اجحود النار القيته راى......هولى من تشميت اعداى
رد عبد الكافى.......كان اقدرت انوارى ناره........حتى لو ما عد تذاره
رد عوض........عزيز اطلق نيران على.......ابقيت عديم اوبات برى
رد عبد الكافى.......يا جر العين امداعينا.........شور النار اتلذع فينا
رد عوض........درتيها يا عين جريمة........حاييتى نيران قديمة
رد عبد الكافى........برى لا عقلى لا لنظار.......اشتركن فى تكواى النار
رد عوض........عزيز كبرها كبرت حر........النار بعد علقت وخر
رد عبد الكافى......راى عطيب كبرتى ناره............هلى جن تمويح ادياره
رد عوض.........ما قتلك من يوم خطاهم.......طفينا نيران غلاهم
رد عبد الكافى.........نار غلا مانك قابسه........من حاشن ما لذع اتحسه
رد عوض.........ايام شقيتى بالنيران.......هضكى وان وهاضا وان
رد عبد الكافى........نار غلاى اخطيت سماها.......لاكن نا قاعد يالاها
رد عوض.......ما قتلك ياما جضينا.......غير اليوم اعزوم القينا
رد عبد الكافى.......كى ننسا ما نبقى قايس........نار اللى فى عقلى حايس
رد عوض.......مقعدنا عالعين كبيرة.........خان عزيز انديروا غيره
رد عبد الكافى.......كان انسيت عزيز ابسية.......نبقى مانى دايرغية
رد عوض........من يوما هانوا الغوالى.......ما والى ممسوك ابوالى
رد عبد الكافى.......يا نارى يا طول اريافك.......غاليت وخانوك اولافك
رد عوض........امغير اسملا عالمشتاق......بعدهم والفنا لافراق
رد عبد الكافى..........يلى والفتى واعزلتى.......كيف بلا لولاف احملتى
رد عوض.........ما من زول احملت افراقه.........مانى عالولاتف الصاقه
رد عبد الكافى.........امس اوهو حالك من حالى........كيف اتقول انسيت غوالى
رد عوض.........القينا نا والعين اعزوم........هضكى يوم وهاضا يوم
رد عبد الكافى........يلى قدامى تصدع.......نسواك الغاليك اتبدع
رد عوض........امغير امتا جيتك شكاى......سعتا والنيران امعاى
رد عبد الكافى.........ما كنت اتشتى عالغالى.......سداى وقطاعت والى
رد عوض........ياما فى اللوعة مضت........ونسيت المرهون او فضت
رد عبد الكافى واااا.........سوك راح انسى الغوالى.......حتى نا ما عندى والى
رد عوض........بعد تما خارب مسداك.......تعال انسدى نا وياك
رد عبد الكافى ...................ما عندى فى الصوب مسايش......غياتى تزويق حجايج
فى مناسبه حدف عيل لعبد الكافى شتاوه حلوه وقاله :
عد اولافك كيف اولافى ..... ونساهم يا عبد الكافى
لكن
الرد
كان
اقوي
عبد الكافى :
يا ولدى مازلت اصغير ....حتى كان جفوك اتغيير
في قصه لعبد الكافي الله يرحمه ..قاعد في سهره ومعاه مجموعه من الغنايا ..وكانوا يبوا يحرجوه ...كلموا واحد من الحضور وقالولا .عدي..وصبي قدام عبد الكافي.وقوله..نار عزيز يا عبد الكافي....واسكت....مشي وصبا قدامه وقاله ...نار عزيز يا عبد الكافي
فرد الكترابيل وقاله
انشدني عنها.....مامن هول نظرته منها
درت غـلآ ==>
عبد الكافي
درت غلا في ايام شبابي...مازالت ناره في اجنابي
عبد الكريم بوسيف
درت غلا ما والي علمه....عدا كي سراق الظلمه
حبيب الفاخري
درت غلا روحي نساني....هيالي سلطان زماني
موسي العبد
درت غلا ما عندي حاجه....هيالي تميت خواجه
عبد الكافي البرعصي
درت غلا ما داره والي....لكن ضروني عقالي
اخر غنآوة له كـآنت ==>
بلا طرطشه لدمع .... خليه بيش تبكيبا علي

عبد الكافي قال..لو كان ننضرك في نوم نرقد ايام عمري كلهن

مشكور..عالم الاحساس..
بالتعريف بالشاعر الراحل.
عبد الكافي البرعصي

بكيت كي علي خطرن ايام في الغلا وجعاتني..