البسبوسة على طريقة ودق ..!!

darkred]]بسم الله على بركة الله ابدا

المقادير :-

كوب زيت كوب حليب كوب سكر كوب دقيق كوب حوز الهند كوب سميد ناعم ( سمادينو يعنى ) بيضتان كيس بى

كمبودر و كيس فانيليا.. وتزين باللى متوفرة بالبيت بس انا انفضلها من غير تزيين ..

الطريقة :-

ناخذ الحليب والزيت والسكر والسميد وجوز الهند وانخلطهن مع بعضهن ونتركهن فترة ديما ربع ساعة او عشر

دقايق بيش السميد وجود الهند ايترطب .. وبعدها انضيف البيضتان والدقيق والبى كمبودر والفانيليا ونضربهن نين

يمتزجن اكويس حتى باليد الضرب مش شرط لا خلاط ولا مضرب يدوى ..

وبعدها انجيب طاجين وكالعادة ندهنة بالزيت او بالزبدة وانرش دقيق وننفضة وانصب الخليط فى الطاجين وانحطة

فى الكوشة والعة من تحت بس نين اطيب وبعدها انحمرها من فوق ..

وبعد انطلعها انكون اموتيا العسل وبارد وانصبه على البسبوسة بعد قصقصته عشان العسل يتوغل الى قلبها ..

وصحتين وحدورها عافية تؤكل مع القهوة او الكاكاو بالحليب او النسكافية او الشاى الخفيف المنعنع ..
[/size]

منورة ودق ومشكورة ..... صدقي البسوسة تقريبا أسبوعيا اندير فيها من احلي الحلويات عندي

تحياااااااتي لكي عزيزتي

ممممممممممممممممممممممممممممممممممممم

ودوقة انتي شكلك طباخة وايدك حلوة بالطبخ ..............تسلمي يالغالية ...توا نجربها ونقولك

غروبة شكرا لمرورك ولو بيدى انوتيها لك وانجيك زيارة ياريت الانسان كان

يقدر يحقق يعض الامانى ولكن الحمد لله ترجعى بسلامة الله ويتعوض ان شاء الله غير ركزى فى

اقريتك بيش اترديلنا ايسرعة ,,,,,,,,,,,عاشقة البيضا مرورك اصبح دافع للمزيد لدى فلا

تحرمينا مطالعتك حتى اتحمس اكثر ...وانتى يا روح البيضا نبيك اتجربى واتقوليلى انتظر ردك

وشكرا لردودك ومرورك بشفافية قلبك المعتادة منك تقبلو جميع تحياتى بكل ود ...

حبيبتي الوردة " ودوقة " ماراح اقول اكثر من تسلم ايديكي مية مرة ....طيبة ...طيبة كثير ...

وناكل فيها وندعيلك ربي يسعدك ان شالله ......بس حبيبتي ياريت كانت شوية قاسية لانو طلعت عندي هشة حيل

حيل وتمينا ناكلها بالملعقة ......بس والله طيبة مع ذلك وتسلم يدك........ البسبوسة على طريقة ودق ..!! 616160

روح البيضا وزهور انتم الاروع والاحلا بمروركم وكلاماتكم وتعليقاتكم سلمتم

لى ... غاليتى روح البيضا انا جت ماعاى مية مية ممكن جاتك فى العسل او مكثرة السميد ديما

اندير فيها وما عمرها فكت منى جربى نين توصلى وتطلع معاكى حلوة وصحتين يارب لكل لقمة

كليتيها انتى واللى معاكة .. تقبلو تحياتى بفائق تقديرى ..

ما شاء الله تبارك الله
سلمة يداكي
جزاك الله خيرا اختي الغاليه ودق..
لكِ مني كل الشكر و التقدير

ودق يسلموا خيتي بصراحة أنا من المحبين للبسبوسة

وخصوصاً لما تبرد تقعد حاجة صح

عندي طريقة ثانية أندير فيها مع البسبوسة هيا نفس مقادير البسبوسة

اللي درتيها بس يكون معاها تمر معصد في الوسط يعني نكثر

شوي المقدار علشان نقسمه أثنين ونعصد تمر ونحط المقدار

الأول في الطاجين وبعدين نفرد التمر اللي عصدته على المقدار

بالكامل وبعدين نصب المقدار الثاني ونطيبة في الفرن

لما تبرد نصب عليها العسل اللي طيبناه وعلى فكرة دسمة

بكل عن نفسي ناكل في طرف واحد علشان تشبع

من أول طرف تأكلية بالصحة والعافية منورة ودق

تقبلي مروري وإعجابي يا عسولة

» طريقة عمل المقدوس
» الكنافة على طريقة ودق ..!!
» طريقة عمل المعمول